مسند احمد 2837

اردو ترجمہ

عبداللہ بن عباس کی مرویات

شہاب عنبری کہتے ہیں کہ ایک مرتبہ میں اپنے ایک دوست کے ساتھ حضرت ابن عباس (رض) کی خدمت میں حاضر ہوا وہاں حضرت ابن عباس (رض) کے گھر کے دروازے پر ہی حضرت ابوہریرہ (رض) سے ملاقات ہوگئی، انھوں نے پوچھا تم دونوں کون ہو ؟ ہم نے انھیں اپنے متعلق بتایا، انھوں نے فرمایا کہ لوگ کھجوریں اور پانی کھاپی رہے ہیں، تم بھی وہاں چلے جاؤ، ہر وادی کا بہاؤ اس کی وسعت کے بقدر ہوتا ہے، ہم نے عرض کیا کہ آپ کی خیر میں اور اضافہ ہو، جب آپ اندر جائیں تو ہمارے لیے بھی حضرت ابن عباس (رض) سے اجازت لیجئے گا، چنانچہ انھوں نے ہمارے لیے بھی اجازت حاصل کی۔ اس موقع پر ہم نے حضرت ابن عباس (رض) کو نبی (صلی اللہ علیہ وآلہ وسلم) کے حوالے سے یہ حدیث بیان کرتے ہوئے سنا کہ نبی (صلی اللہ علیہ وآلہ وسلم) نے غزوہ تبوک کے موقع پر خطبہ دیتے ہوئے ارشاد فرمایا لوگوں میں اس شخص کی مثال ہی نہیں ہے جو اپنے گھوڑے کی لگام پکڑے ہوئے ہو، اللہ کے راستہ میں جہاد کرتا ہوں اور برے لوگوں سے بچتا ہو، اسی طرح وہ آدمی جو دیہات میں اپنی بکریوں میں مگن رہتا ہو، مہمانوں کی مہمان نوازی کرتا ہو اور ان کا حق ادا کرتا ہو، میں نے تین مرتبہ ان سے پوچھا کیا نبی (صلی اللہ علیہ وآلہ وسلم) نے یہ بات فرمائی ہے ؟ اور انھوں نے تینوں مرتبہ یہی جواب دیا کہ نبی (صلی اللہ علیہ وآلہ وسلم) نے یہ بات فرمائی ہے، اس پر میں نے اللہ اکبر کہا اور اللہ کا شکر ادا کیا۔

عربی متن کے ذریعے خودکار طور پر اس حدیث سے ملایا گیا — دونوں میں متن ایک ہے۔