مسند احمد 27070

اردو ترجمہ

حضرت ام رومان کی حدیثیں

حضرت ام رومان سے مروی ہے کہ جو کہ حضرت عائشہ کی والدہ تھیں کہتی ہیں کہ میں اور عائشہ بیٹھے ہوئے تھے کہ ایک انصاری عورت آکر کہنے لگی اللہ فلاں کے ساتھ " مراد اس کا بیٹا تھا " ایسا کرے میں نے اس سے وجہ پوچھی تو وہ کہنے لگی کہ میرا بیٹا بھی چہ میگوئیاں کرنے والوں میں شامل ہے، میں نے پوچھا کیسی چہ میگوئیاں ؟ اس نے ساری تفصیل بتادی تو عائشہ نے پوچھا کہ کیا حضرت ابوبکر نے بھی یہ باتیں سنی ہیں ؟ اس نے کہا جی ہاں انھوں نے پوچھا کہ نبی (صلی اللہ علیہ وآلہ وسلم) نے بھی سنی ہیں ؟ اس نے کہا جی ہاں ! غش کھا کر گرپڑیں اور انھیں نہایت تیز بخارچڑھ گیا میں نے انھیں چادریں اوڑھادیں نبی (صلی اللہ علیہ وآلہ وسلم) آئے تو پوچھا کہ اسے کیا ہوا ؟ میں نے عرض کیا یا رسول اللہ اسے نہایت تیز بخارچڑھ گیا ہے نبی (صلی اللہ علیہ وآلہ وسلم) نے فرمایا شاید ان باتوں کی وجہ سے جو جاری ہیں، میں نے عرض کیا جی یا رسول اللہ اسی دوران عائشہ نے سر اٹھایا اور کہا اگر میں آپ کے سامنے اپنے آپ کو عیب سے پاک کہوں گی تو آپ کو یقین نہیں آسکتا اور اگر میں نا کردہ گناہ کا آپ کے سامنے اقرار کردوں ( اور اللہ گواہ ہے کہ میں اس سے پاک ہوں) تو آپ مجھ کو سچاجان لیں گے اللہ کی قسم مجھے اپنی اور آپ کی مثال سوائے حضرت یعقوب کے کوئی نہیں ملتی انھوں نے کہا تھا، فصبر جمیل واللہ المستعان علی ما تصفون جب ان کا عذرنازل ہوا تو نبی (صلی اللہ علیہ وآلہ وسلم) ان کے پاس آئے اور انھیں اس کی خبردی تو وہ کہنے لگیں کہا کہ اس پر اللہ کا شکر ہے، آپ کا نہیں۔

عربی متن کے ذریعے خودکار طور پر اس حدیث سے ملایا گیا — دونوں میں متن ایک ہے۔