مسند احمد 2287

اردو ترجمہ

عبداللہ بن عباس کی مرویات

حضرت ابن عباس (رض) سے مروی ہے کہ ہم لوگ نبی (صلی اللہ علیہ وآلہ وسلم) کے ساتھ حج کا احرام باندھ کر آئے تھے، نبی (صلی اللہ علیہ وآلہ وسلم) کے حکم پر صحابہ (رض) نے اسے عمرہ کا احرام بنالیا، نبی (صلی اللہ علیہ وآلہ وسلم) نے فرمایا کہ بعد میں جو بات میرے سامنے آئی، اگر پہلے آجاتی تو میں بھی ویسے ہی کرتا جیسے لوگوں نے کیا ہے، لیکن قیامت تک کے لیے عمرہ حج میں داخل ہوگیا ہے، یہ کہہ کر آپ (صلی اللہ علیہ وآلہ وسلم) نے اپنی انگلیوں کو ایک دوسرے میں داخل کر کے دکھایا۔ الغرض تمام لوگوں نے احرام کھول لیا، سوائے ان لوگوں کے جن کے پاس ہدی کا جانور تھا، ادھر حضرت علی (رض) یمن سے آگئے، نبی (صلی اللہ علیہ وآلہ وسلم) نے ان سے پوچھا کہ تم نے کس نیت سے احرام باندھا ؟ انھوں نے عرض کیا کہ آپ کے احرام کی نیت سے، نبی (صلی اللہ علیہ وآلہ وسلم) نے پوچھا کہ کیا تمہارے پاس ہدی کا جانور ہے انھوں نے عرض کیا نہیں، فرمایا جس حالت پر ہو، اسی پر ٹھہرے رہو، میں اپنی ہدی کے ایک ثلث جانور تمہیں دیتا ہوں، اس وقت نبی (صلی اللہ علیہ وآلہ وسلم) کے پاس ہدی کے سو اونٹ تھے۔

عربی متن کے ذریعے خودکار طور پر اس حدیث سے ملایا گیا — دونوں میں متن ایک ہے۔