مسند احمد 13626

اردو ترجمہ

حضرت انس بن مالک (رض) کی مرویات

حضرت انس (رض) سے مروی ہے کہ ایک مرتبہ روم کے بادشاہ نے نبی (صلی اللہ علیہ وآلہ وسلم) کی خدمت میں ایک ریشمی جبہ " جس میں سونے کا کام ہوا تھا " بھجوا دیا، نبی (صلی اللہ علیہ وآلہ وسلم) نے اسے پہن لیا، لمبا ہونے کی وجہ سے وہ نبی (صلی اللہ علیہ وآلہ وسلم) کے ہاتھوں میں جھول رہا تھا، لوگ کہنے لگے یا رسول اللہ (صلی اللہ علیہ وآلہ وسلم) ! کیا یہ آپ پر آسمان سے اترا ہے ؟ نبی (صلی اللہ علیہ وآلہ وسلم) نے فرمایا کیا تمہیں اس پر تعجب ہو رہا ہے ؟ اس ذات کی قسم جس کے دست قدرت میں میری جان ہے، جنت میں سعد بن معاذ (رض) کے صرف رومال ہی اس سے بہت بہتر ہیں پھر نبی (صلی اللہ علیہ وآلہ وسلم) نے وہ جبہ حضرت جعفر (رض) کے پاس بھجوا دیا، انھوں نے اسے پہن لیا، نبی (صلی اللہ علیہ وآلہ وسلم) نے فرمایا یہ میں نے تمہیں پہننے کے لیے نہیں دیا، انھوں نے پوچھا کہ پھر میں اس کا کیا کروں ؟ نبی (صلی اللہ علیہ وآلہ وسلم) نے فرمایا اپنے بھائی نجاشی کے پاس بھیج دو ۔

عربی متن کے ذریعے خودکار طور پر اس حدیث سے ملایا گیا — دونوں میں متن ایک ہے۔