مسند احمد 710

اردو ترجمہ

حضرت علی (رض) کی مرویات

حضرت علی (رض) سے مروی ہے کہ نبی (صلی اللہ علیہ وآلہ وسلم) نے مجھے " میں یہ نہیں کہتا کہ تمہیں " سونے کی انگوٹھی، ریشم یا عصفر سے رنگا ہوا کپڑا پہننے اور رکوع کی حالت میں قرآن کریم کی تلاوت سے منع کیا ہے اور ایک مرتبہ نبی (صلی اللہ علیہ وآلہ وسلم) نے مجھے ایک ریشمی جوڑا عنایت فرمایا : میں اسے پہن کر نکلا تو فرمایا علی ! میں نے تمہیں یہ اس لیے نہیں دیا کہ تم خود اسے پہن لو، چنانچہ میں اسے لے کر حضرت فاطمہ (رض) کے پاس واپس آگیا اور اس کا ایک کنارہ ان کے ہاتھ میں پکڑایا تاکہ وہ میرے ساتھ زور لگا کر اسے کھینچیں، چنانچہ میں نے اس کے دو ٹکڑے کر دئیے، یہ دیکھ کر حضرت فاطمہ (رض) کہنے لگیں کہ آپ کو کیا ہوگیا ہے، یہ آپ نے کیا کیا، میں نے کہا کہ نبی (صلی اللہ علیہ وآلہ وسلم) نے مجھے یہ لباس پہننے سے منع فرمایا ہے اس لیے اب تم اپنے لیے اس کا لباس بنا لو اور گھر کی جو عورتیں ہیں انھیں بھی دے دو ۔

عربی متن کے ذریعے خودکار طور پر اس حدیث سے ملایا گیا — دونوں میں متن ایک ہے۔