مسند احمد 23592

اردو ترجمہ

حضرت ابوایوب انصاری (رض) کی مرویات

حضرت ابو ایوب انصاری (رض) سے مروی ہے کہ وہ اپنے خیمے میں ہوتے تھے ایک جن عورت آتی اور انھیں پکڑ لیتی انھوں نے نبی کریم (صلی اللہ علیہ وآلہ وسلم) سے اس کی شکایت کی تو نبی کریم (صلی اللہ علیہ وآلہ وسلم) نے فرمایا اب جب تم اسے دیکھو تو یوں کہنا " بسم اللہ اجیبی رسول اللہ (صلی اللہ علیہ وآلہ وسلم) چنانچہ اگلی مرتبہ جب وہ آئی تو انھوں نے اسے یہی کہا اور اسے پکڑ لیا اس نے وعدہ کیا کہ میں آئندہ آپ کے پاس نہیں آؤں گی انھوں نے اسے چھوڑ دیا اور نبی کریم (صلی اللہ علیہ وآلہ وسلم) کی خدمت میں حاضر ہوئے نبی کریم (صلی اللہ علیہ وآلہ وسلم) نے ان سے پوچھا کہ تمہارے قیدی نے کیا کیا ؟ انھوں نے عرض کیا کہ میں نے اسے پکڑ لیا تھا لیکن اس نے وعدہ کیا کہ وہ آئندہ نہیں آئے گی اس لیے میں نے اسے چھوڑ دیا نبی کریم (صلی اللہ علیہ وآلہ وسلم) نے فرمایا وہ پھر آئے گی، چنانچہ میں نے اسے دو تین مرتبہ پکڑا اور وہ ہر مرتبہ یہی کہتی تھی کہ آئندہ نہیں آؤں گی بالآخر ایک مرتبہ اس نے کہا کہ اس مرتبہ مجھے چھوڑ دو میں تمہیں ایک چیز سکھاتی ہوں تم اسے کہہ لیا کرو کوئی چیز تمہارے قریب نہیں آسکے گی اور وہ آیت الکرسی ہے پھر وہ نبی کریم (صلی اللہ علیہ وآلہ وسلم) کی خدمت میں حاضر ہوئے اور یہ بات بتائی نبی کریم (صلی اللہ علیہ وآلہ وسلم) نے فرمایا کہ اس نے سچ کہا حالانکہ وہ جھوٹی ہے۔ گزشتہ حدیث اس دوسری سند سے بھی مروی ہے۔

عربی متن کے ذریعے خودکار طور پر اس حدیث سے ملایا گیا (90٪ الفاظ یکساں)۔ جس نسخے سے ترجمہ کیا گیا اس کے الفاظ میں معمولی فرق ہے — ترجمہ اسی عربی متن کا ہے۔