مسند احمد 18471

اردو ترجمہ

حضرت براء بن عازب (رض) کی مرویات

حضرت براء بن عازب (رض) سے مروی ہے کہ جب نبی کریم (صلی اللہ علیہ وآلہ وسلم) مکہ مکرمہ سے مدینہ منورہ کی طرف روانہ ہوئے تو سراقہ بن مالک (جنہوں نے ابھی اسلام قبول نہیں کیا تھا) نبی کریم (صلی اللہ علیہ وآلہ وسلم) کے پیچھے لگ گیا نبی کریم (صلی اللہ علیہ وآلہ وسلم) نے اس کے لیے بدعاء فرمائی جس پر اس کا گھوڑا زمین دھنس گیا اس نے کہا کہ آپ اللہ سے میرے لیے دعاء کردیجئے میں آپ کو کوئی نقصان نہیں پہنچاؤں گا نبی کریم (صلی اللہ علیہ وآلہ وسلم) نے اس کے لیے دعاء فرمادی۔ اس سفر میں ایک مرتبہ نبی کریم (صلی اللہ علیہ وآلہ وسلم) کو پیاس محسوس ہوئی ایک چرواہے کے قریب سے گذر ہوا تو حضرت صدیق اکبر (رض) کہتے ہیں کہ میں نے ایک پیالہ لیا اور اس میں نبی کریم (صلی اللہ علیہ وآلہ وسلم) کے لیے تھوڑا سا دودھ دوہا اور نبی کریم (صلی اللہ علیہ وآلہ وسلم) کی خدمت میں لے کر حاضر ہوا، نبی کریم (صلی اللہ علیہ وآلہ وسلم) نے اسے نوش فرمالیا اور میں خوش ہوگیا۔

عربی متن کے ذریعے خودکار طور پر اس حدیث سے ملایا گیا — دونوں میں متن ایک ہے۔